Saturday, December 17, 2011

കേരളത്തിലെ പാമ്പുകള്‍-ആറ്




                                                         ഇണ ചേരല്‍

                         ഒരു പക്ഷെ ഏറ്റവും കൂടുതല്‍ തെറ്റിദ്ധാരണ ഉണ്ടാക്കപ്പെട്ടിട്ടുള്ള ഒരു കാര്യമാണ് പാമ്പുകളുടെ ഇണ ചേരല്‍.ഒരു വര്‍ഗത്തില്‍ പെട്ട പാമ്പുകള്‍ തമ്മിലെ ഇണ ചേരൂ.പഴയ കാലത്ത് ആയുര്‍വേദവും പറഞ്ഞിരുന്നു.മൂര്‍ഖ വര്‍ഗത്തില്‍ പെട്ടവയും രാജില വര്‍ഗത്തില്‍ പെട്ടവയും ഇണ ചേര്‍ന്ന് വേന്തിരന്‍ എന്ന പുതിയൊരു വര്‍ഗം ഉണ്ടാകുമെന്ന്.പക്ഷെ യഥാര്‍ഥത്തില്‍ അങ്ങനെ ഒരിക്കലും സംഭവിക്കാറില്ല.മൂര്‍ഖന്‍ ആണും ചേര അതിന്റെ പെണ്ണും ആണെന്നൊക്കെ പല സ്ഥലത്തും ഉള്ള വിശ്വാസം അടിസ്ഥാന രഹിതവും അബദ്ധവും ആണ്.മൂര്‍ഖന്‍ മൂര്ഖനോടെ ഇണ ചേരൂ.ചേര ചെരയോടും.
                         നാം പലപ്പോഴും പാമ്പുകളുടെ ഇണ ചേരല്‍ എന്ന് പറയാറുള്ളത് അവ തമ്മിലുള്ള പ്രവിശ്യാ യുധ്ധത്തെ ആണ്.ഇണ ചേരല്‍ സമയത്ത് അവ തമ്മില്‍ പിണഞ്ഞു തല ഉയര്‍ത്തി ബല പരീക്ഷണം നടത്താറില്ല.വളരെ ശാന്തരായി ഒരിടത്ത് കിടന്നാണ് അവര്‍ ആ കര്‍മ്മം നിര്‍വഹിക്കുക.പലപ്പോഴും ചുറ്റി പിണയാതെ ചേര്‍ന്ന് കിടന്നു വാല്‍ ഭാഗം മാത്രം അവര്‍ ഒന്നോ രണ്ടോ വട്ടം തമ്മില്‍ ചുറ്റി ചേര്‍ത്ത് വെച്ചു ഗുദ ദ്വാരങ്ങള്‍ ചേര്‍ത്ത് വെക്കും.ആണ്‍ പാമ്പ് പെണ്‍ പാമ്പിന്റെ ശരീരത്തിനു മുകളില്‍ തലയോ ശരീരമോ ഉരസി അവളെ ലൈംഗികമായി ഉണര്ത്തിയെടുക്കാന്‍ ശ്രമിച്ചു കൊണ്ടിരുന്നെക്കാം എന്ന് മാത്രം.
പാമ്പുകളുടെ ഇണ ചേരല്‍ 

                        ഇണ ചേരല്‍ കാലത്ത് പെണ്‍ പാമ്പുകളുടെ ഗന്ധ ഗ്രന്ഥി [Musk Gland] ഉല്‍പ്പാദിപ്പിക്കുന്ന ഫിറോമോനിന്റെ മണം വളരെ ദൂരെ പോലും എത്തുകയും ആണ്‍ പാമ്പുകളുടെ വോമെറോ നേസല്‍ അവയവത്തിലെ സ്തരം ഈ മണം തട്ടുമ്പോള്‍ ഉത്തെജിതമാകുകയും അങ്ങനെ ആണ്പാമ്പുകള്‍ പെണ്പാമ്പുകള്‍ ഉള്ള സ്ഥലം തിരിച്ചറിഞ്ഞു അങ്ങോട്ട്‌ എത്തുകയും ചെയ്യും.
                              
                                                  പ്രവിശ്യായുദ്ധം
                      
                          ഒരു പാമ്പിനു താമസിക്കാന്‍ ഒരു പ്രത്യേക പ്രവിശ്യ ഉണ്ടായിരിക്കും.അവിടുത്തെ ഏകാധിപതി ആയിരിക്കും അവന്‍.അവന്റെ സാമ്രാജ്യത്തിലേക്ക് മറ്റൊരു ആണ്‍ പാമ്പ് കടന്നു വന്നാല്‍ അവര്‍ തമ്മില്‍ വഴക്കുണ്ടാകും.ഒരു പക്ഷെ നമ്മളെ സംബന്ധിച്ചിടത്തോളം മാതൃകാപരം എന്നൊക്കെ വേണമെങ്കില്‍ പറയാവുന്ന തരം വഴക്ക്.രണ്ടാളും ചുറ്റിപ്പിണഞ്ഞു തല നിലത്തു നിന്ന് ആവുന്നത്ര ഉയര്‍ത്തി പിടിക്കും.എന്നിട്ട് എതിരാളിയുടെ തല നിലത്തു മുട്ടിക്കാന്‍ പരസ്പരം തള്ളും.ആരുടെ തല ആദ്യം നിലത്തു മുട്ടുന്നോ അയാള്‍ പരാജയം സമ്മതിക്കും.എന്നിട്ട് പുതിയൊരു താമസ സ്ഥലം തേടി പോകും.പല ജീവികളിലും കാണുന്ന ഈ പ്രവിശ്യാ യുധ്ധത്തെയാണ് നാം പലപ്പോഴും പാമ്പിന്റെ ഇണ ചേരല്‍ എന്ന് തെറ്റിദ്ധരിക്കുന്നത്.അത് കണ്ടാല്‍ കാണുന്നവന്റെ കണ്ണ് പൊട്ടുമെന്നും മൈലുകളോളം പിന്തുടര്‍ന്നെത്തി പാമ്പുകള്‍ അത് കണ്ട ആളിനെ കടിച്ചു കൊല്ലുമെന്നും ഒരു മൂഡവിശ്വാസവും നിലനിന്നിരുന്നു പണ്ട്.
പ്രവിശ്യാ യുദ്ധം -ചേര 


പ്രവിശ്യാ യുദ്ധം-രാജ വെമ്പാല

3 comments:

  1. മാഷേട്ടനു.. ഇതൊരു പുതിയ അറിവാണ്...ഞാനും മുകളിൽ പറഞ്ഞിരിക്കുന്ന ആ തെറ്റിദ്ധാരണ തന്നെ വെച്ച് പുലർത്തിയിരുന്നു.. നന്ദി.. വിശദീകരണത്തിനു..

    ReplyDelete
  2. ഏറെ നന്ദി...സ്നേഹം

    ReplyDelete
    Replies
    1. Thank you so much. Ente valiyoru samshayamane ippol theernathe

      Delete

Please post your opinions